O saw ye bonnie Lesley,
As she gaed o'er the border?
She's gane like Alexander,
To spread her conquests farther.
To see her is to love her,
And love but her for ever;
For Nature made her what she is,
And never made anither!
Thou art a queen, fair Lesley,
Thy subjects, we before thee;
Thou art divine, fair Lesley,
The hearts o' men adore thee.
The deil he could na scaith thee,
Or aught that wad belang thee;
He'd look into thy bonnie face,
And say - "I canna wrang thee!"
The powers aboon will tent thee,
Misfortune sha'na steer thee;
Thou'rt like themsel sae lovely,
That ill they'll ne'er let near thee.
Return again, fair Lesley,
Return to Caledonie!
That we may brag we hae a lass
There's nane again sae bonnie.
I can still recite it, and indeed I frequently do — at the drop of a hat even. Just ask me.
However, the Burns poem that has been most on my mind recently is the one about the crowlin ferlie. I think of that ugly, creepin, blastit wonner every time I have to massage more of that infernal lotion into E's head .
Happy Burns Night.